Ssaabalangira wa Buganda Godfrey Kikulwe Musanje Ngobe asibuka mu Sekabaka Kikulwe owa 21 e Kkaliiti mu Busiro.Mu nnono Ssaabasajja Kabaka y’akulira Olulyo Olulangira anti y’alina ebifundikwa bya Kimera , Kalemeera omwetikizankumbi ,Kintu ne Bassekabaka bonna. N’olwekyo Kabaka alonda Omulangira gw’asiima n’amuwa obuyinza n’obuvunanyizibwa amulamulireko Olulyo Olulangira.

Kabaka akwasa Olulangira oyo omuggo gwobwa Ssaabalangira oguyitibwa “Ssegulira ennume” okulaga obuyinza bw’amuwadde mu Olulyo Olulangira.
Engoma ye evuga nti “Bantadde Bantadde gwe Ngo, gwe musota, ekirimala abasajja nyago. Kwata endeku tugende e Bbembe”

Embuga ya Ssaabalangira yabanga Kkaliiti Ku Busiro. Olukiiko mw’alamulira luyitibwa “Ekigango” era ekigango kituula Ku Balintuma e Namirembe ng’odda e Nakulabye.

Awangaale Omuteregga Ku Namulondo.