Abakulira amasomero g’Obwakabaka okuli: Lubiri High School e Mengo; Lubiri High School e Buloba, ne Bbowa Vocational Secondary School, e Bbowa, Bulemeezi, buli omu ayanjudde ebyava mu ssomero lye. Lubiri High School, Mengo, baatuza 153; abayizi 54 baayitira mu ddaala lisooka, 54 mu lyokubiri so nga 45, baayitira mu lyakusatu.Lubiri High School e Buloba, baatuuza 138. 73 baayitira mu lisoooka; 55 mu lyokubiri; 9 mu lyokusatu, ate 1 mu lyokuna.

Bbowa Vocational Secondary School, abayizi 2 mu lisooka, ate 6 mu lyokubiri.

Minisita Avunaanyizibwa ku byenjigiriza, Oweek. Prosperous Nankindu Kavuma, asabye abakulu bano, okussa ennyo essira ku masomo ag’obuwaze naddala ssaayansi, n’okuyiiya engeri gye babanja abazadde ensimbi z’ebisale nga tebagobaagoba bayizi bali mu bibiina bya kamalirizo.

Ng’abakulira amasomero g’Obwakabaka, baloopedde minisita okusoomoozebwa okw’amaanyi okuva ku bbula ly’ensimbi olw’abazadde okulwawo okusasula ebisale.